Saturday, July 16, 2011

Хачирхалтай алдаа /AdMigrator.exe/

Миний гэрийн компьютерийн AutoCad гэнэт ажиллахаа больчихлоо. Ачааллаж эхлээд AdMigrator.exe болохгүй байна гэсэн алдаа өгнө, цонхоо хаагаад үргэлжлүүлэхэд кад нээгдээд дуусахын даваан дээр санах ой эсвэл файлын алдаа заагаад хаагдаад байв. Урьд нь зүв зүгээр байсан яагаад ийм болов. Нэтээс хайгаад олигтой үр дүнд хүрсэнгүй. Ер нь миний компьютер засдаг хамгийн гол багаж зэвсэг бол интернэт. Их ч олон юмны учрыг олсон доо. Энэ удаад харин үр дүнгүй байв. AutoCad-аа бүр юу ч үгүй устгаад хэд хэд суулгаж үзлээ яг адилхан. Дандаа хэрэглэдэггүй болохоор тэгэсхийгээд орхичихлоо. Үсгийн фонт үзэх, энгийн дүрс зурахаас хэтэрдэггүй тэгээд ч ажлын газрын компьютер дээр хийж болно.

Гэтэл хэргийн эзэн тэжээлийн блок /цахилгаан/ байсан байна. Хоёр жилийн өмнөөс компьютер маань асахдаа /Windows цонх гарч ирээд/ хааяа гацдаг боллоо. Муугаар нь хатуу дискээ хардлаа. Scan хийж янз бүрийн tools-ээр шалгахад олигтой үр дүн гарахгүй байлаа. Форматлаж үйлдлийн системээ дахиж суулгаж үзлээ. Эхэндээ зүгэээр байснаа гэнэт өвчин нь эхэлдэг байв. Дараа нь эх хавтнаа /motherboard, mainboard/ сэжиглэж эхэлсэн. BIOS -г шинэчиллээ. Янз бүрийн аргаар шалгаж үзэхэд сүртэй алдаа олдсонгүй. Бүр цэнхэр дэлгэц гардаг болж эхэлсэн. Санах ой /RAM memory/ байх гэж тест хийтэл нэг нь гэмтэлтэй байлаа. Шинээр санах ой авч хийгээд засчихлаа гэж сэтгэл хангалуун байлаа. Гэтэл удалгүй нөгөө гацалт гараад ирлээ, хэрэгтэй үед асахгүй байх нь үнэхээр уур хүргэмээр. Шинээр нэмэгдсэн шинж гэвэл заримдаа POST /хар дэлгэц/ уншаад гацаад таг зогсчихдог боллоо. Энэ үед тэжээлийн блокоо хардах санаа төрөвч их үнэтэй худалдаж авсан, сайн компанийх болохоор арай биш байлгүй гэж бодсон. 
Хачирхалтай нь фотошоп, видео үзэх, оффис программуудыг ажиллуулахад ямар ч асуудалгүй мөртлөө АутоКад ажиллахгүй. Нэг өдөр час хийн дугарч компьютер унтарчихлаа. Тэжээлийн блок шатсан тул шинээр авч тавилаа. Нөгөө гацдаг асуудал алга болчихлоо. Ямар ч байсан 2 сарын туршид зүгээр байгаад их баяртай байна. Харин долоо хоногийн өмнө санамсаргүй AutoCad -аа нээтэл шууд нээгдчихлээ. Ямар ч алдаа заасангүй, шулуун шугам дүрс зурж үзлээ асуудалгүй, хуучин кад-ын файл зүгээр нээгдэж байна.

Иймд та бүхэнд иймэрхүү асуудал тулгарвал тэжээлийн блокоо солиж үзэн шалгавал илүүдэхгүй болов уу. Хэрэв гацалт тогтмол давтамжтай биш байвал тэжээлийн блок байх магадлал өндөр байх нь. Мөн хааяа POST /хар дэлгэц/ уншаад гацаад таг зогсчихвол бараг л тэжээлийн блок болох нээ. Мэдээж хэрэг үргэлж POST /хар дэлгэц/ уншаад гацчихвал эх хавтан байх нь ойлгомжтой.

Sunday, January 9, 2011

Бяцхан MACRO (ArialMon to Arial)

Саяхан нэг MACRO программтай танилцлаа. Тамир гэгч залуу үүсгэсэн байна. Түүний бие даалтын даалгавар ч юм уу эсвэл өөрөө хэрэглэхээр бүтээсэн бололтой. Жирийн хүмүүст хэрэглээ нь маш өндөр гэж бодож байна. Ялангуя вэб эдиторууд, хэвлэлийн эх бэлтгэгч хүмүүст их хэрэгтэй. Тэд энд тэндээс материал цуглуулаад нэгтгэх үед фонт таарахгүйн асуудалтай тулгарч л байгаа.

MACRO нь Microsoft Office –т туслах үүрэгтэй Microsoft Visual Basic программ дээр суурилагдсан туслах программ юм. Зорилго нь олонтоо давтагддаг үйлдлийг хялбарчлах юм. Уг үйлдлээ програмчлаж хадгална. Аль нэг гарны товчтой тохируулж болно. Уг үйлдэл давтагдах үед оноосон товчоо дарах буюу MACRO –г дуудаж ажиллуулна. Өөрөөр хэлбэл уг үйлдлээ дахин бичиж оруулахын оронд MACRO дор нь гүйцэтгэх нь байна. AutoCad дээр AutoLisp энэ үүргийг гүйцэтгэнэ.

Энэхүү MACRO нь Microsoft Word дээр ажиллах ба эхлээд уг документ дээр байгаа бүх тэмдэгтүүдийг (үсэг) тоолно. Дараа нь тэмдэгт бүрийн дугаарыг шалгаж хэрэв UNICODE дугаар биш бол UNICODE дугаар болгож өөрчилнө.
Үүнтэй адилаар Arial to ArialMon болгож өөрчилнө. Тэмдэгт болгоны дугаарыг шалгаж UNICODE байвал ArialMon фонтын дугаар болгож өөрчилнө.

Мөн түүнчлэн
ArialMon_to_Arial
Arial_to_ArialMon
Danzan_to_ArialMon
Montimes_to_ArialMon
ArialMon_to_Montimes
dos2arial
хувиргалтуудыг хийнэ. Бүр ArialMon –оос өмнөх үеийн фонтоор бичигдсэн техтүүдийг хувиргаж болох нь харагдаж байна.
MACRO –гийн хэсгээс сонирхуулахад:

Attribute VB_Name = "NewMacros11"
'Created by Tamir
Sub ArialMon_to_Arial()
Max = ActiveDocument.Characters.Count
Selection.HomeKey Unit:=wdStory

i = 1
r = Selection.MoveRight(wdCharacter, 1, wdExtend)
Char = Selection.Text

While (i <= Max)
   
    acsii_code = AscW(Char)
    Select Case (acsii_code)
   
    Case 168
        uni_code = 1025
        Selection.TypeText Text:=ChrW(uni_code)
    Case 170
        uni_code = 1256
        Selection.TypeText Text:=ChrW(uni_code)
    Case 175
        uni_code = 1198
        Selection.TypeText Text:=ChrW(uni_code)
    Case 184
        uni_code = 1105
        Selection.TypeText Text:=ChrW(uni_code)
    Case 186
        uni_code = 1257
        Selection.TypeText Text:=ChrW(uni_code)
    Case 191
        uni_code = 1199
        Selection.TypeText Text:=ChrW(uni_code)
    Case 192 To 255
        uni_code = acsii_code + 848
        Selection.TypeText Text:=ChrW(uni_code)
    Case Else
       r = Selection.MoveRight(wdCharacter, 1, wdMove)
    End Select
    i = i + 1
    r = Selection.MoveRight(wdCharacter, 1, wdExtend)
    Char = Selection.Text
Wend
 End Sub
...

Сул тал гэвэл энэ MACRO нь Microsoft Excel дээр ажиллахгүй байна. Программ сонирхогч нар энэхүү MACRO –г Microsoft Excel дээр ажилладаг болгоно гэдэгт найдаж байна.
Энэ MACRO –гийн давуу тал гэвэл техтийн форматыг (үсгийн хэв, хэмжээ гэх мэтөөрчлөхгүй байдагт оршино.

Хэрэглэх заавар:

1. Эндээс татаж авна уу? Татах (zip болгож шахагдсан тул энэ файлаа задална /extract/. bas өргөтгөлтэй файл байгаа.)

2. Microsoft Word уруу оруулах. Энэ хэсэг бага зэрэг толгой эргүүлж магадгүй. Программ сонирхогч нар арай хялбар автомат арга олно гэж бодном.
- VIEW цэснээс MACROS-г дарна.



- Дурын нэр өгч MACRO үүсгэнэ.


- Ингэхэд Microsoft Visual Editor гэсэн шинэ цонх гарч ирнэ.


- FILE цэснээс Import File –г сонгоно. 


Шинээр цонх гарч ирэх ба сая татаж авсан convertArialmonToArial.bas файлаа зааж өгөөд Open товчийг дарна.
Одоо Microsoft Visual Editor –оо хаагаад Microsoft Word уруу эргэж очно. VIEW цэснээс MACROS-г дарахад доорх цонх гарч ирнэ.


Нөгөө MACRO программууд орсон байхыг харж байгаа биз.
Ямар хувиргалт хийхээ сонгоод RUN товчийг дарахад хөрвүүлэлт дороо явагдана.
За тэгээд хүнд сурталтай төрийн байгууллагууд заавал ArialMon дээр материалаа явуул гээд байвал хувиргаад өгч болох нээ.

АНХААРУУЛГА: 
Хэдийгээр MACRO маань их ач тустай боловч муу хүмүүс түүнийг буруугаар ашиглаж вирус бүтээх нь маш түгээмэл. AutoCad –ийн ACAD.LSP вирус шиг вирусууд маш олон бий. Тийм болохоор MACRO хэрэглэхдээ сэрэмжтэй байх хэрэгтэй. Мэдэхгүй MACRO ажиллуулж хэрхэвч болохгүй. Microsoft Word –ийн сайн тал нь MACRO –г ажиллуулах үгүй эсэх талаар асууна. Тэр үед зөв сонголтоо хийх хэрэгтэй. Зарим Microsoft Word дээр MACRO –г бүр хаасан байж магадгүй. Тэгвэл энэ MACRO –г суулгахын тулд түүнийг нээх, идэвхжүүлэх хэрэгтэй.

Wednesday, November 3, 2010

Шинэ фонт ROMANSMON.SHX

Та бүхэнд Кад –н стандарт фонтуудын нэг ROMANS.SHX фонтыг монгол болгож хөрвүүлсэн ROMANSMON.SHX фонтыг хүргэж байна. Ө, Ү , ₮ үсгүүдийг нэмж тохиргоо хийгдсэн болно.
Давуу талууд:
                - Шинэ монгол үсгийн хэв
                - Юникод фонт тул Windows -н стандарт гарт тохирно 
                - Monkey гарт тохирно. Энэ гараар бичсэн текстүүдийг харуулна
                - Босоо текст бичих боломжтой
Хэдийгээр өргөн хэрэглэгддэггүй ч гэсэн зарим зургийн тайлбар бичигт босоогоор бичих шаардлага гарч болно. Гэтэл энэ тохиолдолд яах вэ гэсэн асуудал гарч ирэх ба ихэнх тохиолдолд доорх зурагт харуулснаар бичиж байгаа байх гэж бодож байна.

1-р тохиолдол: Уншихад эвтэйхэн боловч үсэг болгон салангид тул засварлах, зөөх зэрэгт хүндрэл учрах нь илт байна.
2 ба 3-р тохиолдол: Эдгээр аргууд нь засварлах зөөхөд амар боловч уншихад төвөгтэй байна. Хуудсаа эргүүлж байж унших жишээтэй.
Тэгвэл ROMANSMON.SHX фонт босоогоор текст бичихийг дэмжих тул хэрэгтэй сонголтуудыг хийснээр текст босоогоор бичигдэнэ.



ARIMON.SHX, @MONGOLFONT.SHX фонтууд нь босоо текстийг дэмжихгүй тул босоогоор бичих сонголт нь идэвхжихгүй.

ROMANSMON.SHX фонтыг татаж авахын тулд товчийг дарна уу.
Ашиглах зааврыг эндээс үзнэ үү.

Monday, November 1, 2010

Shape font, дүрсэн фонт

Нэг ажилтан маань кад –ын arimon.shx фонт хэрэглэдэг гэтэл Windows – н стандарт гар хэрэглэхэд ө, ү үсэг зөрөөд байна, үүнийг тааруулдаг болгоод өгөөч гэлээ.  Ямар үсэг шинээр хийх биш зөвхөн өөрчлөлт хийх юм чин гайгүй гэж бодоод оролдоод үзье гэлээ. Гол  санаа бол ө, ү үсгийн дугаарыг Unicode дугаар болох u+04e9, u+04af дугаараар соличихвол болно гэдэг бодол байв. Эхний өдрүүдэд огт амжилтгүй байв.  shx өргөтгөлтэй файл нь кад –н фонт файл юм байна гэдгээс хэтэрсэнгүй. TTF фонтыг SHX фонт болгон хувиргадаг программ олдсон ч заавал худалдаж авахыг шаардах ба демо хувилбар нь ч байхгүй байв. Makefont, fontgenerator гэх мэт программууд олсон боловч эдгээр нь шинээр фонт хийхэд зориулагдсан, autolisp хэлээр бичигдсэн ба ашиглаж мэдэхгүй,  дээр нь маш хуучны программууд байв.  
Нэг өдөр SHX VIEWER 1.1 нэртэй программ оллоо. Энэ программаар arimon.shx фонтоо нээтэл үсгүүд маань дугаартайгаа харагдаж байна. Бага ч гэсэн амжилттай. Энэ программаа сонирхож эхэллээ. Мэддэгээр нь хэдэн товч болгоныг дарж үзлээ дээ. Гэтэл дискний зураг дээр (icon) дартал Save as SHP file гэсэн сонголт байх юм. Тэгээд  SHP өргөтгөлтэй файл үүсгэлээ. Үүсгэсэн файлаа нээтэл ашгүй Notepad дээр нээгдэж байна. Дотор нь үсгиийн дугаар ард нь бөөн тоонууд, юу ч гэсэн үсгийн дугаарыг олж чадсандаа бөөн баяр. Интернэт үнэхээр агуу юм. Үнэхээр биширмой.

SHP файлын хэсгээс:
*0,4,PDAR2
100,50,2,0

*10,5
2,8,(0,-120),0

*32,5
2,8,(75,0),0

*33,47
2,8,(25,24),1,12,(4,75,0),2,1,12,(-9,0,0),2,1,12,(5,-75,0),2,8,(-5,-24),1,12,(0,14,0),
2,1,12,(9,0,0),2,1,12,(0,-14,0),2,8,(16,0),0

*34,71
2,8,(40,87),1,12,(-4,0,0),2,1,12,(0,12,0),2,1,12,(7,0,0),2,1,12,(0,-12,0),2,1,12,(-5,-16,0),
2,8,(-20,16),1,12,(-4,0,0),2,1,12,(0,12,0),2,1,12,(7,0,0),2,1,12,(0,-12,0),2,1,12,(-5,-16,0),
2,8,(38,-71),0

*35,41
2,8,(7,33),1,12,(73,0,0),2,8,(-73,34),1,12,(73,0,0),2,8,(-10,33),1,12,(-21,-103,0),
2,8,(-11,103),1,12,(-21,-103,0),2,8,(68,3),0

*36,143
2,8,(35,109),1,12,(0,-124,0),2,8,(26,91),1,12,(-4,12,0),2,1,12,(-10,9,0),2,1,12,(-12,3,0),
2,1,12,(-14,-4,0),2,1,12,(-10,-9,0),2,1,12,(-2,-9,0),2,1,12,(0,-10,0),2,1,12,(5,-7,0),
2,1,12,(9,-6,0),2,1,12,(29,-9,0),2,1,12,(8,-7,0),2,1,12,(2,-7,0),2,1,12,(1,-9,0),
2,1,12,(-2,-9,0),2,1,12,(-8,-8,0),2,1,12,(-12,-6,0),2,1,12,(-7,-1,0),2,1,12,(-10,2,0),
2,1,12,(-10,6,0),2,1,12,(-6,9,0),2,1,12,(-2,10,0),2,8,(69,-26),0

За тэгээд SHP файлын учрыг олох хэрэг боллоо доо. SHP өргөтгөлтэй файл нь AutoCAD Shape Source File файл болохыг Кад-н HELP –с олж мэдлээ. Кад –н COMPILE  коммандаар уг файлыг SHX  өргөтгөлтэй файл болгон хөрвүүлдэг байна. За ингээд үсгийн дугаараа Unicode дугаар болгон өөрчлөөд COMPILE хийж Unicode монгол дүрсэн фонт үүсгэж зорьсондоо хүрлээ. COMPILE хийх нь тийм ч амархан байсангүй. Нэг л тоо зөрвөл алдаа заагаад COMPILE хийхгүй байв. Яг хаана алдсныг олох маш ярвигтай байв. Маш няхуур үзэхгүй бол болохгүй.
Хэдийгээр үүсгэсэн фонт маань arimon.shx фонт боловч хүмүүсийг төөрөлдүүлэхгүйн тулд огт өөр нэр өгч @mongolfont.shx болгосон болно.

Нөгөө учиргүй олон тоонууд маань шулуун зураасын вектор урт, чиглэл байсан байна. Кад фонт нь үсэг болгоныг тогтсон кодтой дүрс мэтээр дүрсэлдэг байна. Кадын үзэг өгсөн коммандын дагуу уг дүрсээ зурдаг байна.

Доорх 15 тусгай кодыг ашиглана.
0              - Дүрс дууссаныг тодорхойлно
1              - Үзэг зураас зурна
2              - Үзэг зураас зурахгүй
3              - Векторын уртыг дараагийн өгөгдсөн тоогоор хуваана
4              - Векторын уртыг дараагийн өгөгдсөн тоогоор үржүүлнэ
5              - Үзэгний тухайн координатыг (байрлалыг) санах ойд хадгална
6              - Санах ойд хадгалагдсан координатыг (байрлалыг) дуудаж үзгийг байрлуулна
7              - Дараагийн байтаар (кодоор) өгөгдсөн дүрсийг зурна
8              - Үзгийг дараагийн хоёр байтаар өгөдсөн координат уруу шилжүүлнэ
9              - Үргэлжилсэн зураасуудыг зурна. (0,0) төгссөн байна
10           - Дараагийн өгөгдсөн хоёр байтаар тодорхойлогдсон (octant arc) нум зурна
11           - Дараагийн өгөгдсөн таван байтаар тодорхойлогдсон бутархай (дурын, fractional arc) нум зурна
12           - Өгөгдсөн координат болон гүдгэрийн хэмжээ (bulge) –гээр нум зурна
13           - Үргэлжилсэн нумуудыг зурна
14           - Текст босоогоор бичигдэхээр сонгогдсон бол дараачийн коммандыг гүйцэтгэнэ

Жишээ болгож “А” үсэг хэрхэн зурахыг үзье. Доорх бичиглэл нь А үсгийг дүрсэлнэ.
*65,26
2,8,(6,0),1,8,(39,100),2,1,8,(42,-100),2,8,(-15,36),1,8,(-52,0),2,8,(75,-36),0

Тасархай улаан шугам нь үзэг зуралгүйгээр шилжихийг, хар зураас нь үзэг зурж байгааг үзүүлж байгаа болно. Үзэг дүрсээ зурж дуусаад тогтсон байрлалд шилжиж байгааг харж байгаа биз. Дараагийн дүрс тэгээд үргэлжлээд дүрслэгдээд явах нь байна.
Энд *65 нь А үсгийн дугаар болно.  Урт тоонууд нь таслал бүрээр нэг байт гэж тоологдоно. Тэгвэл *65 –ын  дараагийн 26 гэдэг тоо нь А үсэг 26 байтаар тоологдсоныг харуулж байна. Хэрэв энэ тоог зөв тодорхойлохгүй бол COMPILE  хийгдэхгүй. 7 коммандаар дараагийн байт нь дүрсийн дугаарыг өгдөг ба үүнийг харин 2 байт гэж тооцдог байна.
*178,18
2,5,8,(0,80),3,2,7,032,4,2,6,2,8,(70,0),0

Ер нь SHP file-г зөвхөн фонт үүсгэхэд хэрэглэдэг гэж үзэж болохгүй. Олон давтагддаг дүрсээ SHP file –р илэрхийлээд хэрэглэж болно. Өөрөөр хэлбэл уг дүрс хаана байна гэж хайгаад хуулж суухын оронд SHP файлаа дуудахад дүрс дороо зурагдах нь байна. Та нарын зарим нь үүнийг хэрэглэж л байгаа байх.
Одоогоор би үсэг хийхдээ координат өгч гар аргаар зурж байгаа. Кад дээр дүрсээ зураад түүнийгээ SHP file болгодог коммандууд байна лээ. Үүнийг ашиглан шинэ үсгийн шрифт зохиож болох юм. Энэ бүхнийг нарийн судалж амжаагүй л байна.

Thursday, October 28, 2010

ATTRIBUTE ба монгол текст

Та нарын зарим нь BLOCK, ATTRIBUTE үүсгэн тэндээ монголоор бичиж байгаа. Харин үүсгэснийхээ дараа текстээ засаж өөрчлөхөд асуудал тулгардаг байна. BLOCK дахь текстийг засахад асуудалгүй, ATTRIBUTE текстийг засахад Unicode гараар бичвэл текст зөв танигддаггүй байна.
ATTRIBUTE үүсгэхэд ямар нэгэн асуудалгүй болох нь доорх зургаас харагдаж байна.

Unicode фонт ашиглан Windows –н стандарт Unicode гараар бичив.
Одоо жишээ болгож Windows –н стандарт Unicode гар ашиглан ХӨХ ҮҮЛ гэж бичье.
Хэрэв фонт Unicode фонт бол огт танихгүй арзаасан тэмдэгтүүд гарч ирнэ.


Харин Arial Mon, arimon.shx (Unicode биш) фонт бол зөвхөн Ө, Ү үсгүүд зөрж бусад нь таарч байна.

Энэ асуудлыг хэрхэн шийдэх вэ?
MonKey гараа суулгаж Arial Mon, arimon.shx фонтоо ашиглаад бичиж болох боловч аль болох үүнийг хэрэглэхгүй байх хэрэгтэй.
Тэгвэл ингэх шаардлагагүй юм.
Хэд хэдэн аргыг санал болгож байна.
1-р арга:
Монгол текстээ Notepad эсвэл Word дээр бичээд хуулж аваад (copy) ATTRIBUTE –н утга (value) дээр тавихад (paste) таньдаг байна.

2-р арга:
ATTRIBUTE –н утга (value) дээр гараар \u+0445\u+04e9\u+0445 \u+04af\u+04af\u+043b
гэж оруул ж болно. Үсэг бүрийн Unicode дугаарыг оруулж байна. Гэтэл энэ бол тийм ч амархан арга биш байна.

3-р арга:
Энэ арга бол Arial Mon, arimon.shx (Unicode биш) фонт ашиглах арга юм. Гэхдээ MonKey гар ашиглахгүй. Та нар зөвхөн Ө, Ү үсэг зөрж байсныг анзаарсан биз дээ. Тэгвэл
%%170 том Ө
%%186 жижиг ө
%%175 том Ү
%%191 жижиг ү гэсэн кодыг ашиглан ATTRIBUTE –н утга (value) дээр гараар õ%%186õ %%191%%191ë оруулбал ө, ү үсэг зүгээр танигдана.

Энд нэг юм анхаарахад фонт маань Unicode биш хуучны фонт байх ёстой. @mongolfont.shx фонтын шинэ хувилбар arimon.shx -ийг агуулсан тул энэ фонтыг ашиглахад асуудалгүй.
Энэ арга жижиг хэмжээний текст оруулахад оновчтой. ө, ү үсэг ороогүй бол бүр амар байх нь. %%170, %%186, %%175, %%191 тоог цээжлэхэд хангалттай.

Wednesday, October 27, 2010

@mongolfont.shx Монгол фонтыг шинэчиллээ

@mongolfont.shx фонтыг шинээр зургийн файл үүсгэн хэрэглээд явахад ямар нэгэн асуудалгүй. Харин хуучин зурган дээр ажиллахад хэрвээ arimon.shx фонт ашигласан текстүүд байвал таарахгүй тул танигдахгүй харагдана. Үүнийг засахын тулд arimon.shx фонтыг дахин ашиглахад хүрнэ. Уг зургаа өөр газар өгөхийн тулд заавал энэ хоёр фонтыг дагалдуулах хэрэгтэй болно.

Тэгвэл шинэ хувилбар болох @mongolfont.shx фонт нь unicode болон arimon.shx хоёрыг зэрэг багтаасан тул arimon.shx –оор бичсэн текст болон Unicode –оор бичсэн текстийн аль алинд таарна. Нэг л фонт хуучнаар бичигдсэн болон Unicode –оор бичигдсэн текстүүдийг харуулж чадна.

Unicode, MonKey, Arial, Arial Mon гэж юуг хэлээд байна вэ?

Unicode систем нь улс бүрийн үсгийг багтаасан нэг бүтэн систем юм. Ер нь үсэг болгон өөр өөрийн кодтой, тэгвэл Unicode бол аль ч улсын үсгийн кодыг давхцуулахгүйгээр бүртгэсэн систем юм. Үүний ачаар бичсэн текстээ дэлхийн аль ч өнцөгт үзэж засах боломжтой. Энэ нь ялангуяа интернэтэд их хэрэгтэй. Arial, Times New Roman зэрэг фонтууд нь Windows үйлдлийн системтэй цуг ирдэг Unicode фонтууд болно. Windows үйлдлийн системтэй цуг байдаг монгол гар (keyboard) нь Unicode дээр суурилсан байдаг байна. Иймд аль болох Unicode ашиглан текстээ боловсруулах хэрэгтэй.

Тэгвэл MonKey гэдэг нь монгол гар бөгөөд Unicode дээр суурилаагүй ба кирил (орос) үсгийн систем дээр ө, ү үсэг нэмж засварласан гар (keyboard) болно. Тэгэхээр Arial Mon фонт энэ гарт тохирохоор кодлогдсон үсгийн фонт болно. Arial Mon гэх мэт фонт ашиглан Windows үйлдлийн системийн стандарт монгол гар (keyboard) –аар бичвэл таарахгүй тул арзаах эсвэл дөрвөлжин тэмдэгтүүд гарна. Гэтэл зарим Arial Mon (шинэчилсэн) фонт нь Unicode кодыг агуулсан тул таардаг байна. Үүнийг анхааралдаа авна уу.

MonKey, Arial Mon хэрэглэхээс аль болох зайлсхийх шалтгааныг хэлье. Та текстээ MonKey, Arial Mon ашиглан бичжээ. Хэн нэгэнд өгөх хэрэгтэй болно. Ялангуяа шинэхэн компьютертэй хүнд өгвөл асуудал үүснэ дээ. Тэгэхээр тэр хүн уншихын тулд MonKey, Arial Mon суулгаж таарна. За тэгээд уншчихлаа, асуудал шийдэгдсэн мэт. Одоо тэгээд текстээ засахаар бол тэр хүнд аль гар хэрэглэх аль фонтоор бичих гээд асуудлууд үүсэх нь тэр. Гэтэл хүмүүсийн ихэнх нь үүнийг тоолгүй нэг хэсэгт MonKey монгол гар ашиглан, нөгөө хэсэгт Windows –н монгол гар ашиглан бичдэг. Өөрөөр хэлбэл бөөн холион бантан. Мэдээж хэрэг энэ текстээ өөр хүнд өгч таарна. Тэр хүнд бас бөөн асуудал үүсгэнэ, түүний толгойг эргүүлнэ гэх мэтээр гинжин холбоо үүсээд явах нь байна. За тэгээд хамтын бүтээлээ интернэтэд тавих боллоо. Мэдээж хэрэг дахин шивж оруулахгүйгээс хойш хуулж тавилаа. Гэтэл зарим хэсэг нь арзаасан тэмдэгтүүд болоод харагдаад эхэлнэ. Ингээд л бөөн асуудал...

Одоо та нарт хамгийн зөв шийдэл нь Unicode болох нь харагдаж байгаа биз. Unicode талаар дэлгэрэнгүй мэдээллийг
http://www.kt.mn/nuur/kt-undsen-bulanguud/zovlogoo/430-unicode-ashiglax-zovlomj.html
хуудаснаас уншиж болно. Ямар ч юм төгс байдаггүй тул Unicode –н сул тал бий.

Бас нэг асуудал гэвэл Unicode –оос өмнө бичигдсэн тэр их мэдээллээ яах вэ? ... гараар дахиж шивж оруулна гэдэг бүтэхгүй дэг. Тэгвэл MonKey монгол гараар бичсэн үсгийг Unicode уруу хөрвүүлдэг программын тусламжтайгаар хөрвүүлж болно. Жишээ нь:
http://badaa.mngl.net/convert/con2uni.htm вэб хуудах уруу орж хөрвүүлж болно.

За эргээд AutoCAD фонт уруугаа оръё. Мөн энэ фонтын А, Ж, ж, Ю, ю зэрэг үсгүүд дэх зарим нийлээгүй зураасуудыг битүүлж янзалсан болно.

@mongolfont.shx фонтыг хэрэглэх заавар.
- @MONGOLFONT.SHX файлыг татаж авна. Авахын тулд хажуугийн товчийг дарна уу.
- \Program Files\AutoCAD 20XX\Fonts    хавтаст (folder) хуулна.
- Текст бичихдээ Text Style – Font Name  -ээс @mongolfont.shx сонгоно. Хэрэв Font Name  дотор @mongolfont.shx байхгүй бол AUTOCAD программаа хаагаад дахин ажиллуулах хэрэгтэй.

Энэ фонтыг бусад хүмүүст тарааж өргөн хэрэглэцгээе.

Sunday, October 17, 2010

CAD -н хөнөөлт вирус

Би КАД программыг хэрэглэдэггүй болохоор энэ программын талаар сайн мэдэхгүй. Нэгэн зураг төслийн компанийн компьютерийн сүлжээг хариуцаж ажилладаг болсноор КАД -ын вирустай танилцах болсон. Зарим ажилтан миний Dwg файл устлаа, зарим нь Word, Excel файлууд, нэг хэсэг нь Rar, Pdf файлууд устчихлаа гэж хэлэх болсон. Анхандаа яах учраа олдоггүй байв. Ямар ч антивирус программааар хайлгахад юу ч илэрдэггүй байв. Гэтэл хэргийн эзэн ACAD.LSP байсан байна. Энэ файлыг сэжиглэдэг байсан л даа. Энэ файлыг онлайн антивирус программаар (www.virustotal.com) хайлгахад аль нь ч вирус биш гэдэг байв. Энэ файлыг нээхэд encrypt хийгдсэн учраа элдэв янзын тэмдэгт гарна.

Нэг өдөр санаа төрлөө. Энэ файл encrypt хийгдсэн юм чин яагаад decrypt хийж болохгүй гэж. Нэтээс Lisptool нэртэй программ олж decrypt хийлээ. Тэгтэл антивирус программ маань шууд л ALisp/Bursted.P вирус илэрлээ гэж заасан. Ингээд асуудлын учрыг оллоо доо. Энэ тухай Касперский антивирус кампани луу мэйл бичсэн. Одоо антивирус программ нь илрүүлдэг болсон байна лээ. Удахгүй бусад антивирус программууд илрүүлдэг болно биз.
ACAD.LSP файл нь AutoLisp програмын хэлээр бичигдсэн файл юм. Энэ файл нь зургийн файл нээгдэх үед автоматаар ачааллаж бичсэн командын дагуу ажиллана. Энэ програмыг оновчтой ашиглаж чадвал зургийн файлын энгийн тохиргоо, үндсэн зураасуудаа автоматаар гүйцэтгэж болно. Шинэ зургийн файл үүсгэх бүрт автоматаар ачаалладаг байна. Хэрэв та AutoLisp програм ашиглаагүй бол үүсээд байгаа ACAD.LSP файл нь компьютерийн вирус юм.
Кадын файл нээгдэхдээ хэрэв тухайн хавтаст ACAD.LSP файл байвал энэ файл нь давхар ачааллагдддаг байна.

Хэрэв AutoCAD LT хувилбар дээр ажиллаж байгаа бол энэ вирус ажиллахгүй. Учир нь AutoCAD LT хувилбар нь AutoCAD жирийн хувилбарын хөнгөвчилсөн хувилбар юм. AutoCAD LT хувилбарт 3D Modeling, Presentation, Lisp Applications, Express  Tools гэх мэт зүйлүүд байдаггүй байна. Тийм болохоор AutoCAD LT нь ердийн AutoCAD бодвол хурдан ажилладаг ба өндөр үзүүлэлт бүхий компьютер шаарддаггүй сайн талтай.

Вирусын ажиллах зарчим: Эхлээд Кад программын хавтаст ACAD.LSP байхгүй бол өөрийгөө болон ACADISO.LSP файлыг хуулна. Мөн нээлттэй байгаа зургийн файл орших хавтаст ACAD.LSP файл байгаа эсэхийг шалгаж байхгүй бол өөрийгөө хуулна. Дараа нь тухайн зургийн файл орших хавтас дахь exe, dwg, doc, xls, rar, pdf, zip, txt, chm, mp3 өргөтгөлтэй бүх файлыг устгадаг байна. Мөн "k:" "j:" "i:" "h:" "g:" "f:" "e:" "d:" "c:" хард диск дэх файлуудыг устгахыг оролдоно. Урд нь гайгүй хурдтай нээгдэж байсан файл уддаг болсныг та нар анзаарч эхэлнэ. Энэ үед зарим хүмүүс ESC (Escape) товч дардаг. Энэ нь вирус ажиллахыг зогсоодог байна. Ингэснээр вирусын хөр хөнөөлийг мэдэлгүй өнгөрдөг байна. Хэрэв зургийн файлаа нээж орхиод өөр юм хийж байвал харин тэр хооронд файлуудыг нэг устгаж өгнө дөө. AutoLisp программ нь файл системтэй харьцахад зориулагдаагүй тул удаан ажилладаг байна.
Сүлжээний орчинд өөр компьютер дээрх зургийг нээхэд тэнд байрлах файлыг устгаж чаддаггүй байна. Одоогоор зөвхөн тухайн компьютер дээр байрлах файлыг устгаж байна.

Вирус халдсан байх шинж тэмдгүүд: ACAD.LSP файл энэ тэнд үүсгэгдсэн байх, зургийн файлыг дарж шууд нээх үед Кад –н программ гацаж алдаа өгнө, Кад програм нээгдэх нь их удаан болно (нөгөө файл устгах үйлдлээ гүйцэтгэж байгаа тул). Та нарын ихэнх нь ESC (escape) товчийг дардаг тул вирус зогсдог байна. Мөн зураг нээгдэхэд ACAD.LSP файлыг зөвхөн эхний зураг нээгдэхэд ажиллуулах уу эсвэл зураг болгон нээгдэхэд ажиллуулах уу гэсэн асуулт бүхий цонх гарч ирнэ.

Хэрэв зураг болгонд гэсэн сонголтыг сонговол дахиж энэ асуулт бүхий цонх гарч ирэхгүй ба хорлонт үйл ажиллагаагаа зургийн файл нээгдэх болгонд явуулна.

Устгах арга:
1 -дүгээрт.
Windows XP –тэй бол
C:\Documents and Users\Хэрэглэгчийн нэр\Application Data\Autodesk\AutoCAD 20XX\R1X.0\enu\Support
Windows Vista, 7 –той бол
C:\Users\Хэрэглэгчийн нэр\AppData\Roaming\Autodesk\AutoCAD 20XX\R1X.0\enu\Support (энд XX нь Кад -н 2000, 2002, 2004, 2005, 2006, 2007, 2008, 2009, 2010 хэрэглэснээр хамаарч өөр байхыг илэрхийлнэ) хавтаст орших ACAD.LSP, ACADDOC.LSP файлуудыг устгана.
2 -дугаарт.
Хайлт хийж бүх ACAD.LSP файлуудыг устгана.
3 -дугаарт.
Кад програмын комманд –д      ACADLSPASDOC гэж бичээд утгыг нь шалгана. Хэрэв 1 гэж байвал 0 гэсэн утгыг өгнө. 1 гэдэг нь асуулгүйгээр зургийн файл нээгдэх болгонд автоматаар ACAD.LSP ачааллана гэсэн сонголт болно.

Сэргийлэх арга:
Өөр газраас ирсэн зургийн файл нээхдээ шууд нээж хэрхэвч болохгүй. Эхлээд тухайн зургийн хавтаст ACAD.LSP  файл байгаа эсэхийг шалгах хэрэгтэй. Хэрэв байгаа тохиолдолд ACAD.LSP -ийг хэрэглэж байгаа юу гэдгийг тодруулаад үгүй бол шууд устгах хэрэгтэй. Ер нь ACAD.LSP нууцлагдсан байж болох тул эхлээд вирусгүй орчинд хуулж нээвэл илүү найдвартай.